মীনৰ সৈতে জড়িত সৰহ সংখ্যক লোকেই, মত্স্য কৃষকেই হওক বা মাছ ধৰোতাই হওক, সাধাৰণতে আৰ্থিক ভাৱে সৱল নহয়। প্ৰাথমিক পৰ্য্যায়ত পুখুৰী খণ্ডা বা পাম স্থাপন কৰিবলৈ হলে বহু পূঁজিৰ প্ৰয়োজন হয়। তাৰোপৰি বৈজ্ঞানিক পদ্ধতিৰ মত্স্য কৃষিৰ অনুশীলন আৰু ব্যৱস্থাপনাৰ বাবে প্ৰয়োজনীয় দক্ষতা আৰু জ্ঞানৰ অভাৱৰ ফলতো ৰাজ্য খনত সম্ভাৱনীয়তাৰ তুলনাত মাছৰ উত্পাদন যথেষ্ঠ কম। এই ব্যৱধান হ্ৰাস কৰাৰ বাবে মীন মহল বিভাগে কাৰিকৰী সহায়তা প্ৰদান কৰি মত্স্য উত্পাদন বৃদ্ধিৰ ক্ষেত্ৰত এক গুৰুত্বপূৰ্ণ ভূমিকা পালন কৰিব পাৰে। শেহতীয়াকৈ কেবাটাও বছৰত কেন্দ্ৰীয় আৰু ৰাজ্য চৰকাৰৰ নিৰন্তৰ প্ৰচেষ্টা আৰু মত্স্য কৃষিজীৱি সম্প্ৰদায়ৰ লোকৰ বৰ্ধিত আগ্ৰহৰ ফল স্বৰূপে মীন মহল খণ্ডই ৰাজ্যৰ অৰ্থনৈতিত দিশতোক এক নতুন ধাৰা প্ৰদান কৰিবলৈ সক্ষম হৈছে। শেহতীয়াকে গ্ৰম্যাঞ্চলৰ বহু সংখ্যক যুৱক তথা উদ্যমীয়ে মত্স্য কৃষিক এক বাণিজ্যিক বৃত্তি হিচাপে গ্ৰহণ কৰাটো পৰিলক্ষিত হৈছে। ইয়াৰ ফলস্বৰূপে ২০০০-০১বৰ্ষৰ ১.৫৮লাখ মেট্ৰিক টন মত্স্য উত্পাদনৰ বিপৰীতে অসমত ২০১৬-১৭বৰ্ষত মত্স্য উত্পাদন ৩.০৭লাখ মেট্ৰিক টনলৈ বৃদ্ধি পাইছে।
মীন খণ্ডৰ সামগ্ৰীক বিকাশৰ বাবে বিভাগে ‘অধিক মত্স্য উত্পাদন’ৰ শ্লোগানৰ লগতে তলত উল্লেখ কৰা দায়িত্ব সমূহৰ সৈতে নিজ কৰ্ম অব্যাহত ৰাখিছে:
ৰাষ্ট্ৰ সংঘৰ বহনক্ষম উন্নয়নৰ লক্ষ্য(এছ.ডি.জি.) আত্ম নিৰ্ভৰশীলতা অনুসৰি আৰু লগতে ৰপ্তানীকৰণৰ বাবে অতিৰিক্ত মত্স্য উত্পাদনৰ বাবেও মীন খণ্ডৰ উন্নয়নৰ বাবে বিভাগে বিভিন্ন পদক্ষেপ হাতত লৈছে।